صدقيني رسالة من شيتوس ل.............

صـــــدقيـــــني..........

صدقيني مـا بقـت للحـب قيمـه
الجفا شال الوفـا وأصبـح مكانـه
والصراحة أصبحت كلمـه قديمـة
والهوى أصبح خيانة فـي خيانـة
والمحبـة كأنهـا طفلـه يتيـمـه
مات أبوها ونحـرم عنهـا حنانـه
والمشاعر مثل مـا كـف كريمـه
في يديـن بخيـل ذوقهـا المهانـة
والأحاسيس اختفت وأمست عديمة
وفا المحبة كل شـي ولـه زمانـه
صدقينـي قصتـي قصـه أليـمـه
البري مظلـوم والقاضـي أدانـه
الهوى يا بنـت مـا ذقنـا نعيمـه
ولا أخذنا على الهوى عهد وضمانه
يوم صار الخل يظلـم فـي نديمـه
كيف تبين الهـوى يعتـز شانـه
بس نفس الحر ما ترضى الهزيمـة
لا ولا نفسه تسولـف بـه لعانـه
راح وقت فيـه نفسـي مستهيمـة
والهوى ما عـاد يغرينـي كيانـه
صح كنت في الهوى روحي غريمه
وكان عندي الحب إخلاص وأمانـه
بس بان النور لي وانـزاح غيمـه
وفي عيوني كل شـي بيـن بيانـه
وفي النهاية اعذريني يـا فهيمـة
الهوى كلـه خيانـة فـي خيانـة